कामुक आँखामा लगाइदिनुस् तगारो बरु । अर्पणा आपागाई अनुराग

 गजल

सोच्नुहोस् मलाई आँखाको छारो बरु

नपरोस् हजुरलाई कुनै अप्ठ्यारो बरु

अर्पणा आपागाई अनुराग

जहाँ बटुवाहरुले पनि विश्राम पाउँछन् 

घर भत्काइ बनाउँछु एउटा चौतारो बरु

एकपल्ट कसैको खुसीमा हास्ने मन छ

लिएर कसैसँग थोरै हाँसो, उधारो बरु

तिम्रो मन सम्म मेरो प्रेम पुग्न सकेन

फल सम्म पुग्न सके केही झटारो बरु

मलाई कोठाभित्र कति दिन थुन्नुहुन्छ ?

कामुक आँखामा लगाइदिनुस् तगारो बरु

अर्पणा आपागाई अनुराग

कोशीपारी,काभ्रे