सिन्दुर पुछिएपछि काखको बच्चा हेरेर टोलाएँ

                                                         
गजल

नयाँ ठाँउ अझ बिहे गरेको भर्खर भर्खर हुनुपर्छ  ।
श्रीमान प्रदेशिएपछी पानी बिनाको बगर हुनुपर्छ  ।।

बाउ मर्दा बजाएको शङ्ख बाजा सम्झेर नाच्यो
बच्चालाई के थाहा अब टुहुरो जिवनभर हुनुपर्छ  ।

समस्या आइरहन्छन  एउटा गणित हो जिन्दगी
मिलाउनलाई  हिसाब  तिमी अंश म हर हुनुपर्छ ।

कति तड्पिनु, कति मर्नु अझै बिना प्रमाण हामी
सरकार अब  प्रेम गर्दा लिखित हस्ताक्षर हुनुपर्छ ।

सिन्दुर पुछिएपछि  काखको बच्चा हेरेर टोलाएँ
मनले भन्यो  ए नारी  तिमी अब पत्थर हुनुपर्छ ।

कल्पना भुसाल
स्याङ्जा