मसंग गर्दै नगर यो पिरतिका कुरा ।

                                                                 अनिता धिताल

गजल
कामदेवकि रति,शिवकि सतीका कुरा
मसंग गर्दै नगर यो  पिरतिका कुरा ।

आफू जान्ने बन्न अरुको बिरोध गर्नुपर्छ
नजान्ने अरे गर्दा खेरि सहमतिका कुरा ।

लाग्छ,म राहुकाल थिए उसको जीवनमा
सुन्दा आजभोलि उसका प्रगतिका कुरा ।

भोक मेटिदैन सरकार त्यो सिटामोलले
खाली पेटले गर्नै मान्दैन ओखतीका कुरा ।

विदेशीएको उसलाइ पनि बाडुली लाग्छ ?
जब उ गर्छे प्रेमिको अंगालोमा पतिका कुरा ।

©अनिता धिताल
काभ्रेपलाञ्चोक