आफन्तहरु भेटिन्छन् सफलतामा बुझ्नुपर्थ्यो ।

                                                                  गंगा सापकोटा
                                              मकवानपुरगढी गाउँपालिका ३, मकवानपुर
गजल

अल्झियो भने च्यातिन सक्छ जामा बुझ्नुपर्थ्यो ।

काँडा पनि हुने गर्छन् हर बगैंचामा बुझ्नुपर्थ्यो ।।

बदल्नु पर्थ्यो कर्म, अनि पो बदलिन्थ्यो भाग्य

छन् भाग्यरेखा आफ्नै हत्केलामा बुझ्नुपर्थ्यो ।।

कोहि त थ्यो जो मेरो आँखा वरिपरि घुमिरहने

नबोलेरै पनि धेरै बोल्थे इसारामा बुझ्नुपर्थ्यो ।।

सोचेर बसियो भने त मात्रै बसिरहिन्छ पुगिन्न

हिडियो भने पो पुगिन्छ चुचुरामा बुझ्नुपर्थ्यो ।।

हारेका एकजोर आँखाले अपनत्व पाउँदैनन्

आफन्तहरु भेटिन्छन् सफलतामा बुझ्नुपर्थ्यो ।।

गंगा सापकोटा

मकवानपुरगढी गाउँपालिका ३, मकवानपुर