आमाको मुहारबाट खुशी हरायो रहर हरायो ।

 

                                                                 जूनु खतिवडा  
                                                                      पाँचथर
 गजल
एउटा खबर आएको छ मन हराको ठेगानाबाट ।   
तिमी बद्लियौ म बद्लिन सकिन जमानाबाट ।।

आमाको मुहारबाट खुशी हरायो रहर हरायो ।
बा को जागिर खोसियो जुनदिन कारखानाबाट ।।

यहि कारण म मौन बस्छु तिम्रा हर प्रहारहरुमा ।
यसरी सहने कला सिकेकी हु मैले अचानाबाट ।।

तिमिलाई खुब सम्झछु सुख दुःखका पलहरुमा ।
सायद हट्ने छैनौ कहिले मेरो दिलको पानाबाट ।।

तिमी मुटु भित्र घाउ बनेर बसि दिन्छौ भने।
जून ऊ हररात  उदाउछे चोटको निशानाबाट ।।

जूनु खतिवडा ।
पाँचथर